DIY oksedrakt til lille O

Forrige veke var det klart for den store utkledningsdagen i barnehagen. Men istadenfor det vanlege karnevalet var det temafest. Heile dette barnehageåret har dei hatt bondegård som tema, så derfor fall valget på LÅVEDANS! Då eg spurte Olliver kva han ville vere kom det først "Tiger"! Men etter å ha tenkt seg litt om og funne ut at det kanskje ikkje var eit gardsdyr, ville han vere okse. ;)

Eg har sett mange ulike typer hekla huer med dyremotiv og tenkte at dette måtte jo vere mulig å lage. Så då var det berre til å finne fram heklenåla og litt fantasi og vips, så vart det ei oksehue på lille O.

Litt verre var det med resten av drakta, kva skulle den lagast av? Etter ein rask titt i klesskapet fann eg ein svart kjole som aldri har vore i bruk og fortsatt hang med prislappen på... (ein av mine "den-er-jo-på-tilbud-kjøp...). Så etter å ha knota litt med symaskina vart det ei heilt ok drakt. O var i alle fall veldig fornøyd og då er mor det òg! ;)

 



Heklefakta

Garn: Baby bomull og Bomull sport frå Spar Kjøp

Heklenål: Nr 4,5 og 4

Ønsker deg ein super dag videre! :)

Puter til lillegutt (og mor...)

Då Olliver skulle over i stoooor seng tenkte eg at han måtte få seg nokre tøffe puter. Turen gjekk derfor nok ein gang til snopebutikken Stoff og Stil. I overfloden av stoff fann eg for ein gangs skyld fort fram til kva eg ville ha. Det måtte jo nesten vere blått, og denne blåfargen falt eg heilt for!

Under tidligere butikkbesøk har eg sikla litt på den tøffe bilsjablongen, så den MÅTTE berre bli med heim i posen. Olliver er jo som gutter flest ganske så opptatt av biler, så dette måtte jo bli suksess!
Det einsfarga stoffet var i utgangspunktet nokså kjedelig, men dette trykket gjorde susen. Eg valgte i tillegg å få med stjernene frå den andre puten. Så då klipte eg ut 4 remser, sydde rundt kanten med falsk overlock og lot det vere litt rufsete i kanten før eg sydde dei på puten. Eg var nok ein gang litt ivrig og gadd ikkje feste med så mange nåler før eg sydde, så motivet vart sydd litt skeivt på. Kankje eg har lært til neste gang?
Oppskrifta er henta frå boka "Made by me" og er sydd utan glidelås. Tenkte å utsette glidelåssyingen litt til, har hørt at det ikkje er så veldig enkelt.... ;p
Olliver syns putene var skikkelig tøffe då han fekk dei, men han har ikkje brydd seg så veldig mykje meir med dei. Jaja, kjekt var det uansett! ;) Eg er iallefall klar for å sy meir!!!

Og når me først er inne på puter... Denne tøffe ugleputen kom på døra tidlegare i veka. Eg har bestilt den gjennom Casa Interiør der eg er konsulent. Har lenge hatt lyst på den og no når det var salg slo eg til. Den er i deilig ull og gjorde seg godt saman med putene frå Farmors Hus som eg fekk til 30-årsdagen i fjor.

                                                        Har du syprosjekter på gang? :)

Ha ei riktig fin helg!!

Strikkepinneetui

 

Då har eg endeleg tatt i bruk den nye symaskina! Det første prosjektet vart eit strikkepinneetui, så no skal det bli orden på strikkepinnene!! Eg har forsåvidt hatt ein viss orden på dei til no med at dei har fått ligge i originalembalasjen oppi ei korg, men dette er jo mykje meir praktisk! Enkelt å finne fram og alt ligg sortert og i rekkefølge etter størrelsen på pinnene. Veldig greit for sånne som meg som liker orden og oversikt.. ;)

 

 

Oppskrift og framgangsmåte til etuiet fann eg gratis på Pickles. Stoffet vart kjøpt på Stoff&Stil, og eg må berre innrømme at eg har forelska meg heilt i desse polkadottstoffene!! Skikkelig søte!
Eg ser no i etterkant at sømmene vart litt skeive og som vanlig klarte eg å gjere ein aldri så liten feil. Eg var så ivrig at eg sydde over lomma både oppe og nede (skulle berre sy nede) når eg skulle dele det inn i ulike rom, men men, det gjer forsåvidt ikkje så mykje... ;)
Ein liten ekstrafinesse eg valgte er blondene på lomma nede, berre for å gjere det heile enda meir sukkersøtt. :p

  

 

No mangler eg berre ein liten borrelås eller trykknapp (har ikkje heilt bestemt meg...), så er det ferdig. Dette var eit kjapt og enkelt prosjekt, så trur kanskje eg må lage fleire.. ;)

Tidlegare i veka var eg innom ein av mine mange strikkebutikker og som alltid gjekk eg ikkje tomhendt ut igjen... Det som vart med denne gangen var ein liten neve med søte knapper. Dei hadde ei korg med resteknapper til 50øre (!) per stykk og eg klarte ikkje å dy meg. Du tenker kanskje at det ikkje er så praktisk med ein av kvar knapp, men eg tenker dei kan gjere seg fint som pynt på strikkeplagg eller til scrapping. Søte var dei i alle fall! :)
Det andre som havna i posen var strikkehefte Babystrikk på pinde 3 av Lene Holme Samsøe. Dette har eg sikla på lenge, så no var det på tide å kjøpe det! Med andre ord: eg blir ikkje arbeidsledig med det første.... ;)

 

 

 

På pinnene har eg for tida nok ei barselgåve. Denne skal eg ikkje gje vekk før om eit par månader, så kva det er får eg komme tilbake til. Men at det er til ei lita jente er vel ganske tydeleg... ;)

 



 

Ønsker deg ei super helg!! (Jepp, eg har tatt helg allerede...)

My litle monkey...

Ja, for det er han virkelig. Han er høgt og lavt, klatrer, tuller og tøyser som dei fleste andre tre-åringer. Så kva er vel meir passende enn ei hue med apekattmotiv? :) Inspirasjonen fekk eg då eg var på ei julemesse i fjor. Der var det ei som solgte huer, men ho hadde ikkje rette størrelsen i dette stoffet. Så då er det jo berre til å hive seg rundt sjølv! Eg fann mønster på nett, men endte opp med å få hjelp av venninna mi istadenfor. Mykje enklere å få det vist av nokon som har gjort det før! ;)
Olliver var storfornøyd med hua og nekta å ha på seg noko anna! Men så var det det med å få tatt bilder av ein vilter apekatt.... Det var jaggu ikkje enkelt! Så her får du ein liten bildeserie..

 

 

Når me først var i gang vart det også til ei smekke. Smekka er sydd etter mønster frå stoff og stil, men eg syns den vart litt trang i halsen. Trur kanskje eg skal lage den litt lenger neste gang. Greit å ha to knapper i til å justere lengden etterkvart som dei veks til. Den er vel ikkje akkurat perfekt sydd, litt bølgete i kanten...Men øvelse gjer mester ikkje sant? :)

 

 

Eg vart iallefall bitt av basillen og har allerede vore og handla inn stoff til fleire prosjekt! Og kva er vel meir perfekt enn at denne kom i posten i dag!!! GLEDE!!

Kjipe greier at eg skal jobbe i helga.. ;-/  Jaja...neste veke! :)

 



 

 

 

 

Ha ei riktig god helg!