tirsdag 9. desember 2014

Alvevest

Enda ein Paelas.... Treng eg å sei at eg rett og slett berre elsker deira design!!? Dette er det tredje prosjektet på kort tid som har komme av pinnene og eg er superfornøyd. 


Oppskrifta var gøy og enkel å følge, men som vanleg vart det ein liten endring. Hetta skal egentlig vere ganske lang og spiss, men eg valgte å gjere den kortere og meir avrunda. Syns det var litt meir praktisk når han skal ha den under jakken, ellers er oppskrifta fulgt til punkt og prikke. ;)
I-corden er strikka for hand, noko som er utruleg kjedelig! Må snart gå til innkjøp av I-cordmaskin... Har du ei du kan anbefale?


Mottakaren er nok ein gang min gode, lille O. Og det ser ut til at den fall i smak då den har vore flittig i bruk sidan den var ferdig i oktober. O syns den var skikkelig kul med hette, så den må alltid vere på.. ;)


Dette blir nok ikkje det siste Paelas-prosjektet eg lager. Og stemmer ryktene eg har hørt kjem det ei bok iløpet av neste år. DEN skal i så fall i hus fortere enn svint!!


Oppskrift: Paelas
Garn: DROPS Alpaca
Mengde: 250g
Pinnestørrelse: 2,5 og 3
Størrelse: 4-5år


Ønsker deg ein fin dag! :)

søndag 26. oktober 2014

DIY stige

Eg har lenge hatt lyst på ein trestige til å pynte opp med heime. Det fins mange forskjellige, flotte stiger i butikkene, men då eg såg ein heimelaga stige i bladet Boligdrøm tidlegare i år var eg solgt. Etter ein telefon til pappa var materialene i boks og eit par dager seinere kom han med gamle hesjastaurer frå gården etter farmor og farfar. Dette var så langt tilbake som februar og som vanleg tok det laaaang tid før eg fekk gjort noko med det. Men i sommerferien fekk eg lysten over meg. Uheldigvis streika saga akkurat denne dagen, men takka vere gode nabovenner (med denne inspirerende bloggen) stod stigen ferdig etter ei kort arbeidsøkt.
Trinnene er skrudd fast med skruer og for å skjule desse surra eg rundt hamp.





Eg husker godt somrene eg fekk vere med på slåtten og hjelpe farmor og farfar med å få graset av og på hesene. Gode minner som gjer stigen ein ekstra verdi! :)




Ønsker deg ein riktig god søndag!

onsdag 22. oktober 2014

Simpelthenbukse

Då eg for første gang såg Simpelthenbuksa på Instagram visste eg at dette var ei bukse som berre MÅTTE på pinnene! Og dette skulle vise seg å vere enda eit raskt, gøyt og enkelt prosjekt. Elsker sånne prosjekter!! ;)


I oppskrifta er det brukt Babysilk frå Du store Alpaca, men sidan dette er eit handvaskgarn valgte eg å bytte det ut med eit litt meir slitesterkt superwashgarn. Valget fall på Sandnes sin Merinoull, eit nytt garn for min del. Dette garnet er tjukkere enn det i oppskrifta så eg var heldigvis smart nok til å lage ein prøvelapp. Eg tok til og med mål av O for å vere sikker på at eg skulle sleppe å rekke opp igjen. Så eg landa på å følge oppskrifta på str 2 år. I tillegg felte eg masker over eit lengre strekk på beina samt at eg droppa ein felling.



Eg liker veldig godt detaljene på denne buksa, med lommer og fin brettekant/snorkant oppe. Og det at den er smal i figuren gjer nok ein gang sitt til at det er enklere å ha den under regntøy og vinterdress.



Det har ikkje vore så veldig kaldt her på Vestlandet enda, men buksa har vore i bruk eit par dager og O er veldig fornøyd. Eg ser derimot at dette garnet kan ha ein tendens til å nuppe så eg er spent på å sjå korleis den ser ut etter ein lang vinter... ;)


Strikkefakta
Oppskrift: Frå Paelas.com
Garn: Merinoull frå Sandnesgarn, I-cord er strikka av Alpaca frå Garnstudio
Garnmengde: 185g Merinoull og ein liten rest Alpaca
Størrelse: 2 år, som passer O på 4 1/2 år



Ha ein super dag! :)

fredag 17. oktober 2014

Bestefarstrøye og eit lite strikketips

Etter å ha kjøpt boka "Strikk til smårollinger" bestemte eg meg raskt for å strikke bestefarstrøya. Liker at den har ein smal figur, noko som er greit når ein skal ha den under både dresser og jakker (spesielt med ein gutt som ikkje liker "rukker og bulker"...) Med eit voksande garnlager fann eg ut at det kunne vere lurt å rett og slett lage genseren av restegarn. Det angrer eg ikkje på då eg fekk brukt opp mykje!




Sidan garnet eg brukte var litt tjukkere enn det som stod i oppskrifta valgte eg å legge opp til str 3 år. Dette vart heilt perfekt i forhold til O som no nærmer seg 4 1/2 år. Stripemønsteret er nokså tilfeldig og vart til undervegs. Eg ville ha samme mønster på armene som på bolen så ifølge armlengden i oppskrifta måtte eg droppe første delen for å komme i mål med mønsteret når eg skulle strikke delene sammen. Eg stussa litt på ermlengen i oppskrifta og valgte å lage den 2cm lengre. Det eg skulle gjort var jo å måle ein av genserene O har frå før, då hadde eg sett at dette vart altfor kort. Så kva gjer ein då? Begge armene var ferdig strikka og hadde eg fortsatt med nye striper ville det ikkje passe med mønsteret på bolen. Heldigvis finns det løysinger på det meste i denne hærlige strikkeverdenen. Så etter eit lite søk fann eg instruksjonsvideo på "strikke usynleg søm". Eg skal ikkje prøve meg på å forklare, men det går i alle fall ut på å dele arbeidet, strikke den eine delen lengre, for så å strikke delene saman igjen.



Vips! så var armen så lang som eg ville ha den. Og det var ingenting som kunne avsløre "juksingen". Om du har lyst til å prøve deg på dette finn du videoen her.



Genseren er tatt i bruk for lengst og O var veldig fornøgd. Er så kjekt når dei små viser glede for det mor har jobba med! :)



Strikkefakta
Oppskrift: Frå boka "Strikk til smårollinger"
Garn: Diverse babyull
Størrelse: La opp til 3 år, men passer min gutt på 4 1/2 år



Ønsker deg og dine ei riktig god helg!







mandag 13. oktober 2014

Floratopp


I juni fekk eit vennepar av oss ei nydeleg lita jente. I forrige månad fekk me spørsmål om me ville vera fadder for henne, noko me sjølvsagt ikkje sa nei til. Då eg spurte kva dåpsbarnet ønska seg kom det ganske kontant "gjerne noko heimestrikka!". *LYKKE* Då hadde eg endeleg ein unskyldning for å lage Paelas sin Floratopp som eg har sikla på sidan eg såg den på instagram for ei stund tilbake.




Eg syns mønsteret på denne toppen er så utruleg flott! Men som med dei fleste former for mønster tok det litt tid å komme inn i det og eg må sei at eg savna å ha eit diagram å gå etter. Det var veldig godt forklart korleis det skulle gjerast steg for steg, men eg syns ein kjem litt fortere inn i det dersom ein har eit diagram å gå etter og ikkje må lese lange setninger. Når det er sagt så har eg jo aldri laga ei slik oppskrift sjølv, så eg veit ikkje kor vanskeleg det kan vere... ;)



I går var den store dåpsdagen og saman med toppen fekk lillemor eit nydeleg lite kvitt hjarte. Toppen er nok litt stor enda, men det kan no vere godt å ha noko å vokse inn i. ;)




Dette er det første paelas-prosjektet mitt, men allerede er det 3. prosjektet på vei av pinnene. Med andre ord kan eg virkelig anbefale oppskriftene deira. Krysser fingrene for at det snart kjem ut ei bok! ;)


Strikkefakta
Oppskrift: Kan kjøpast på Paelas
Garn: DROPS baby merino
Størrelse: 6mnd (men er nok litt større..)


Ønsker deg ein fortsatt fin dag!

torsdag 25. september 2014

Stjernetøfler


Eg har lenge tenkt på å lage tøfler som Olliver kan ha i barnehagen. Og etter at eg fann desse stilige tøflene på bloggen hvittimitthjem visste eg at eg hadde truffe blink.


I påsken starta eg på prosjektet, men eg skjønte fort at "toveverdenen" ikkje er ein verden eg trives særleg godt i. Det er utruleg vanskeleg å vite kor store ein skal strikke dei for å få rett størrelse etter toving (spesielt når ein ikkje bruker samme garn som oppskrifta..). Så det vart først laga ein prøvetøffel som overhodet ikkje passa. Men etter mykje om og men, blanding av ulike oppskrifter og søking på nettet vart eg til slutt fornøyd.



Istadenfor å bruke stoff og sy på stjerna, valgte eg å heller filte den på. Ein veldig enkel og grei måte og pynte opp tova prosjekter! 
Det å sy inn ein ribb i tøflene syns eg var heilt genialt. Då sitt tøflene mykje bedre på foten til ein aktiv 4-åring. Så no gjenstår det berre å få antiskli på, så er tøflene klare til bruk! :)

Har du forresten fått med deg at det er salg på Merinogarn på DROPS? Eg klarte nok ein gang ikkje å styre unna (sjølv om garnlageret har nådd nye høgder...), og endte opp med 14 nøster i posen. Deriblandt denne nydelige høstfargen som snart skal gjerast om til eit deilig sjal (når eg har klart å finne ei oppskrift eg er fornøgd med...). ;) Har du nokon spennandes høstprosjekt på gang?


 


Ha ein fortsatt fin fin dag!


mandag 22. september 2014

Heeeeeei bloggen!!!!

Oi!! No var det plutseleg frykteleg lenge sidan forrige innlegg! Kor vart det siste halvåret av??? Våren og sommeren her på Vestlandet har vore så uendeleg solrik og varm at blogging og strikking rett og slett kom langt ned på prioriteringslista. Trening, fjellturer, utearbeid, ferier og sosiale sammenkomster har vore stikkordene siste månedene, og strikkelysten har ikkje vore så veldig tilstades (utruleg nok). Men heilt fråverande har den selvfølgeleg ikkje vore, så eit par ting har komme av pinnane. No syns eg det var på høg tid at desse får komme opp og fram i lyset...




Først ut er ein topp eg fann på Ravelry, HINE is a girl. Denne har eg hatt i strikkekøen ei stund, så då ei venninne sa at ho venta ei lita jente benytta eg sjansen til å få den på pinnene. Den fins kun i èin størrelse, 1,5-2år, så i utgangspunktet var det ikkje akkurat ei babygåve. Men toppen er visst tatt i bruk for lengst som kjole/tunika, noko som betyr at den kan brukast leeenge! ;)




Toppen var ferdig allerede tidleg i februar, så eg husker ikkje heilt alle detaljene. men eg brukte dobbel tråd Baby merino frå DROPS og eg trur eg brukte pinnestørrelsen som står i oppskrifta. Så med tjukke pinner og dobbel tråd vart dette eit raskt unnagjort strikkeprosjekt! Oppskrifta er gratis og du finn den her.


Ønsker deg ein strålende dag!!

tirsdag 15. april 2014

Påskepynt og påskekos!


Ja så var plutselig påsken her igjen! Eg har alltid vert ute i siste liten med å pynte og gjere klart, men i år har eg endelig fått gjort alt det eg hadde tenkt. Trikset var jo rett og slett berre å begynne tidleg nok. Så her har huset vore påskepynta i over ei veke!




Det første som kom i hus var "pusekattene". I fjor gjorde eg eit halvhjerta forsøk på å lage litt pynt og endte opp med å hekle 3 små kaniner (finn dessverre ikkje igjen sida med oppskrifta..). Trådene på desse vart ikkje festa og uansett så kom aldri kvistene i hus, så pynt vart det ikkje. No er dei imidlertid ferdige og dei har fått selskap av to søte påskekyllinger. Oppskrifta finn du her. I tillegg har eg prøvd meg på å lage påskeegg av garn. Framgangsmåten var enkel:

1. Blås opp ein vannballong til ønska størrelse
2. Smør ballongen med vaselin
3. Dypp garnet i tapetlim og surr ønska mengde rundt ballongen
4. La den henge og tørke
5. Sprekk ballongen og ta den ut





Sist, men ikkje minst har Olleboll laga påskekylling i barnehagen. Det var ein veldig stolt gutt som kom heim med den. "Sjå kva eg har laga til deko mamma og pappa!!!" Ingenting er som ein 3-årings engasjement! ;)

Påskelyktene som eg (utruleg nok) fekk ferdigstilt i fjor har fått komme fram igjen i lyset. Sjølv om eg egentlig ikkje er sånn superglad i gult syns eg desse var skikkelig søte. Du kan lese meir om dei i dette innlegget.
 



I det siste har eg virkelig fått augene opp for Trines matblogg. Har du besøkt den sida? Visst ikkje kan den så absolutt anbefalast. Ein av tingene ho har på bloggen er heimelaga sjokoladepålegg. Her i huset elsker me Nugatti alle tre, og av den grunn blir det kun kjøpt inn til ferier og høgtidsdager. Men det er med Nugatti som med så mykje anna, FULLT av e-stoffer og andre godsaker... Så denne gangen tenkte eg at eg kunne prøve den heimelaga typen. I kveld vart krukka åpna, og den vart godt mottatt av mine to gutter. Eg brukte 40% mørk kokesjokolade og personleg kunne eg nok ha tenkt meg å hatt den litt lysere, men den var så absolutt etandes! ;) MÅ PRØVAST!




...og så må eg berre vise... Denne boka kom i hus i går. Og for ei FANTASTISK bok!! Gleder meg stort til å ta fatt på oppskriftene. Og med tanke på at svigermor kom med ikkje mindre enn to FULLE poser med (reste)garn for litt sida kan eg vel herved påstå at påskekosen er i boks!





Ønsker deg og dine ein super påske!! ;)

fredag 11. april 2014

Hue-frustrasjon...


For fleire år sidan strikka eg meg ei hue frå DROPS-kolleksjonen. Eg brukte ikkje det rette garnet som stod i oppskrifta og dermed vart hua litt stor. Eg gadd imidlertid ikkje å rekke den opp igjen, så det vart til at eg berre brukte den som den var. I jula i fjor fann eg ut at no var det jammen meg nok! Eg var fortsatt misfornøyd og bestemte meg endeleg for å lage meg ei ny hue.




Istadenfor å kjøpe nytt garn valgte eg å heller rekke opp den gamle. Eg ville jo ikkje bruke den lenger uansett, så kvifor la godt garn gå til spille? Som sagt så gjort. Eg fann ei hue på Ravelry som eg likte veldig godt og satte i gang. Eg tok ikkje mål av hovudet, berre satsa på at eg tok rett størrelse. Men gjorde eg det? NEI! Hua vart altfor liten! Jaja...så var det på an igjen... Eg rakk opp igjen hua og begynte på ein større størrelse. Heller ikkje denne gangen tok eg mål av hovudet. Eit par dager seinere når hua var ferdig var frustrasjonen komplett! Hua var fortsatt for liten! Snakk om å vere "tjukk i hue"!
Heldigvis har eg venninner som bruker litt meir "normal" størrelse, så då ei av dei sa at ho godt kunne tenke seg den vart den grundig vaska og gitt vekk.




Så då var det til å tråle nettet igjen. For ein månad sidan fall eg pladask for ei hue eg såg på Strikkesida på facebook. Etter eit lite søk fann eg oppskrifta på Ravelry. Eg kunne nesten ikkje vente med å komme i gang og heldigvis var den rask å strikke. Og ENDELEG!!! Eg vart super fornøyd!!





Oppskrift hue nr 1: DROPS (husker ikkje kva for eit garn eg brukte..)

Oppskrift hue nr 2: Ravelry

Oppskrift hue nr 3: Ravelry
Garn: DROPS Merino extra fine



Ønsker deg ei riktig så god helg! :)

tirsdag 8. april 2014

Min gamle hobby...

For snart 10år sidan fekk eg augene opp for scrapping. Eg kunne sitte i timesvis med å lage kort og pynte fotoalbum. Då me flytta frå leiligheten og inn i huset laga eg meg ein hobbykrok. Tanken var at det skulle bli enkelt å gå til og fra, for her kunne alt ligge framme og eg slapp å rydde det vekk heile tida. Vart det sånn? Niks og nei... det endte rett og slett opp med å bli ein skikkelig rotekrok. Får du inspirasjon og lyst til å sette deg ned her og lage noko?




Etter ein kjapp tur på IKEA og ein heil dags rydding vart det endeleg orden på sakene (etter kun 5 år!!). Så no når bror min og svigerinna mi fylte 40år kom inspirasjonen til å lage kort tilbake. Her er resultatet:




Eg skulle gjerne vist korleis hobbykroken vart etter opprydningen, men eg må vel ærlig innrømme at det har blitt litt rotete igjen... ;p Men det er vel kanskje berre sånn det er når ein har fleire ulike hobbyer på ein og samme gang... 




Klarer du å holde orden i alle hobbytingene dine?


Ha ein fortsatt super dag! :)

tirsdag 1. april 2014

40-årsgåve #2



Ja då har svigerinna mi inntatt 40-årene ho òg. Og i likhet med bror min ønska ho seg penger, men nok ein gang kunne eg ikkje la strikkepinnene ligge. Ho har tidlegare fått tova tøfler hjå meg, men i jula snakka ho om at ho kunne tenke seg noko litt lettere til varmere tider.
Etter eit lite google-søk fann eg desse søte Tesha-tøflene!





Dette er ein litt anna versjon av lommetøflene som har blitt så populære. Oppskrifta var enkel og dei var superraske å strikke. Faktisk unnagjort på ein ettermiddag! Elsker sånne raske prosjekter! :)




Eg likte ikkje heilt avslutningen rundt ankelen så då valgte eg som så ofte før å hekle ein kant. Eg hekla først ein runde med fastmasker, så ein runde med 3 luftmasker-hoppa over ei maske-3 luftmasker osv. I tillegg fekk tøflene ein liten heklablomst med ei lita perle inni. Med andre ord, ein skikkelig jentetøffel! ;)




Mottakaren vart veldig fornøgd og tøflene kom på med ein gang dei var pakka ut. DET er noko som virkelig varmer eit strikkehjarte! :)



Oppskrift:
Garn: Dale Falk
Garnmengde: 1 nøste
Pinnenr: 4



Ønsker deg ein super kveld! 

tirsdag 18. mars 2014

40-årsgåve #1


Tidlegare denne månaden fylte min eldste bror 40 år. Han ønska seg i hovedsak penger til bursdagen, men som strikkefantast er det jo umulig å unngå å lage ein liten ting... I påsken i fjor såg han nokon som hadde på seg den populære Kvikk Lunsj-hua og han fekk sjølv lyst på ei. Eg sa ikkje noko då, men tenkte at dette må eg legge meg på minnet. Planen var å strikke den til jul, men planer har ein tendens til å bli utsatt så då vart det til bursdagen istadenfor. Egentlig veldig passande no rett før påske...




Bror min bur eit stykke unna resten av familien, så dagen før dagen reiste eg, mamma og pappa på overraskelsesbesøk. Svigerinna mi hadde holdt godt på hemmeligheten så han var stor i augene då me plutselig stod på døra. ELSKER å overraske folk på den måten. Ansiktsuttrykkene og gleden er berre ubetalelig!



Sjølv om bursdagsbarnet ikkje er ein stor "huebruker" såg det ut til at denne falt i smak. Så no gjenstår det berre å sjå om den vert brukt på påskefjellet om ein månad... ;)

Oppskrifta på hua henta eg frå Ravelry. Eg brukte samme garn som i oppskrifta, men eg syns den vart i overkant stor. Ved å gå ned ein heil pinnestørrelse vart hua perfekt i størrelsen. :)

Strikkefakta

Oppskrift: Ravelry
Garn: Gjestal Safir (Østlandsgarn)
Pinnenr: 3

tirsdag 11. mars 2014

Drømmen om kvalme og bekkenløsning...

Ja du lurer kanskje på kva denne overskrifta gjer inne på ein handarbeidsblogg? I dagens samfunn er det heldigvis lov og ikkje  minst akseptert å vere åpen om problemer som ein har. Dette gjer at andre i samme situasjon ikkje treng å føle seg så aleine. Derfor velger eg å fortelle vår lille historie om veien til å bli foreldre.


I 2007 følte eg og min kjære at me var klare til å stifte familie. Me var begge 25år, ferdig utdanna, med jobb og egen leilighet. Timingen var perfekt. Den positive graviditetstesten lot imidlertid vente på seg, noko som for så vidt ikkje er heilt unormalt. Etter eitt år valgte me likevel å ta turen til lege for ein liten sjekk. Han var ikkje vanskelig å be og me fekk full utredning. Det vart ikkje funne noko gale hjå nokon av oss, noko som sjølvsagt var veldig godt men samtidig veldig frustrerande. I påvente av prøverørsforsøk vart eg satt på hormoner, men heller ikkje dette hjalp.
Hausten 2009 var IVF-karusellen i gang. Eg hadde ikkje dei aller største forventningane sidan dette var første forsøk, men jammen meg satt vår lille spire. 9 mnd seinare kom nydelege Olliver til verden, frisk og fin. Gleden var enorm og det føltes som å vinne i lotto!


Eitt år seinare tenkte me at det var på tide å starte opp igjen. Me visste jo at ting kunne ta litt tid så det var berre til å "hive seg rundt". ;p Og tenk, på første forsøk, heilt på eigenhand satt spiren. Gleden vart imidlertid kortvarig. 10 veker på vei, på sjølvaste julafta 2011 var spontanaborten eit faktum. Me vart veldig skuffa, men tenkte samtidig at dette er sånt som skjer. "Alle" kvinner opplever jo ein spontanabort iløpet av livet. Så til tross for at eg hadde vore kvalm og tatt av fleire kilo under den korte graviditeten begynte eg i full jobb igjen etter ei veke. Eg døyva skuffelsen med å begynne å trene hardt, noko som sjølvsagt ikkje var særleg smart med ein kropp utan energi og overskudd... Eit par månader seinare traff eg den berømte veggen og angst vart ein del av min kvardag. Takka vere ein fantastisk samboer, gode venner og familie og ikkje minst ein forståelsesfull lege kom eg meg heldigvis raskt på beina igjen.


Eit halvt år etter første spontanabort lyste nok ein graviditetstest positivt mot oss. LYKKE! Men igjen skulle gleden vere kortvarig. 8 veker ut i svangerskapet endte graviditeten i ein ny spontanabort. Mange kan nok seie at dette er så tidlig at det ikkje betyr noko, men for meg var det heilt pyton. Planleggingen, drømmene og gleden starter ganske raskt etter ein positiv test, i alle fall for min del sjølv om ein kjenner til risikoen. Dessverre hadde eg ikkje lært særleg mykje etter første gangen, så eg var tilbake i full jobb 4 dager seinere. Sidan eg jobber turnus innebar den veka 6 arbeidsdager, så når søndagen kom og eg var så sliten og kvalm at eg nesten ikkje klarte å ete forsto eg at det var på tide å roe tempoet. Blodprosent og jernlager var på eit bunnivå. Etter dette var eg sjuk i 3 måneder med bihulebetennelser, influensa og magebyer. Kroppen gav tydeleg beskjed om at no var det nok.


Utpå våren i fjor begynte energien å komme tilbake. Me tok då kontakt med Fertilitetsklinikken igjen sidan me fortsatt hadde to egg på frys etter IVF-forsøket i 2009. I april vart eggene tint, men dessverre var det ingen av dei som overlevde. På seinsommeren var eg i gang med hormoner igjen. Eg var veldig optimistisk til at dette forsøket skulle gå bra sidan det gjekk så bra med Olliver. Det vart tatt nye prøver av meg og denne gangen viste det seg at eg har lave eggreserver. Ellers låg forholdene godt til rette for at dette skulle gå veien. Eitt egg vart satt inn og me var så heldige å få 3 egg på frys. Første forsøk endte negativt.
I november var det nytt forsøk og første egget tålte opptining. Etter to veker fekk eg 2 positive tester og tenkte at denne gangen er det vår tur. Men blodprøven var så negativ som den kunne bli. Altså var det ein kjemisk graviditet. Det føltes som eit hardt slag i magen. Eg vart først veldig lei meg, men så tok sinne over. Kvifor skjer dette?? Kva har me gjort galt??? Eg lengta veldig etter ein punshingball på den tida... ;p


Men så er det dette med nytt år og nye muligheter.. Då klokka slo 00.00 1.januar tenkte eg at dette skal bli vårt år! Eg endra litt på kostholdet og begynte å "bevege meg" litt meir. Positiviteten var på topp og eg var klar for eit nytt forsøk. For to veker sidan satt me inn siste egget (det andre tålte ikkje opptiningen). I går var nederlaget nok ein gang eit faktum. Det er berre så utruleg frustrerande. Kvifor går det ikkje? Og så er det jo denne evinnelige biologiske klokka som tikker fortere enn eg klarer å tenke. Ja, eg er "berre" 32år, men med lave eggreserver ser eg for meg at det vil bli vanskeligare for kvart år som går. Har eg gitt opp? Nei, overhodet ikkje, men det er berre så forbaska tungt!


Etter dette forsøket tar me oss nok ein liten pause frå heile IVF-karusellen. Det er frykteleg slitsomt å gå gjennom, med forventninger, håp og ikkje minst ein haug med hormoner. Me får ofte høyre at "me er no heldige som har fått èin". Og sjølv om det ikkje er vondt meint så er det til tider tungt å høyre. For sorgen er fortsatt like stor, men det at me har Olliver gjer sjølvsagt prosessen enklere å takle..
Når lillegutt ser på oss med trillrunde auger og spør om ikkje han òg skal få ein baby så må eg sei at det brister litt i mammahjertet.


Dette er vår historie så langt, og eg håper at den ein gang skal ende lukkeleg med kvalme, bekkenløsning og andre deilige svangerskapssymptom (ja, eg vil faktisk nyte kvart eit sekund av det!). Uansett har eg lært mykje om meg sjølv gjennom denne prosessen. No veit eg kortid eg skal seie stopp og roe ned tempoet. Eg veit òg korleis eg må jobbe meg opp og ut av nederlagene. Eg er ikkje lenger redd for å be om sjukemelding når eg treng det, for eg har innsett at det faktisk ER ein tøff prosess, og litt ro og fred hjelper på. Gode opplevelser med venner og familie er og veldig oppløftande. Me har valgt å vere åpen om problemene våre, noko som gjer at ein slepp litt meir unna kommentarer som "er det ikkje på tide med nummer 2 snart?". Eg takler som regel desse kommentarene bra, men på rette dagen kan dei vere vanskelege og svelge..
Sosiale medier som facebook og instagram er fyfy i kjipe perioder. Babylykken formelig florerer på sånne plasser. Og det er sjølvsagt heilt naturleg at foreldre er stolte og glade over barna sine og ønsker å vise det. Det gjer jo me òg. Men innimellom er det vanskeleg å takle andre sin lykke. Og så ærlig tenker eg at ein må vere med seg sjølv. Det er ikkje vondt meint overfor andre, men rett og slett ein måte og overleve på. Heldigvis har eg ein utruleg flott sambuar som har holdt og fortsatt heldt roen gjennom heile dette sirkuset. Det som skjer det skjer-mentaliteten skulle eg gjerne hatt litt bedre innarbeida. Men det er no godt at ein av oss er avslappa. ;)


Eg fortel ikkje denne historien fordi eg treng sympati. Me har som sagt fantastiske venner og familie som støtter oss gjennom oppturer og nedturer. Men eg veit at det dessverre er mange av oss der ute. Så det eg ønsker er å nå ut til nettopp DEG som er i denne situasjonen og som syns det til tider er ganske tungt og håplaust. Du er ikkje aleine. Og kanskje kan du lære litt av mine feil?  ;)

søndag 9. februar 2014

Til ei lita jente..

Rett før jul kom ei nydelig lita jente til verden. Foreldrene visste ikkje om dei skulle få gutt eller jente, noko som selvfølgelig gjorde strikkingen litt vanskelig... ;) Så då eg fekk vite at det vart ei jente var det berre til å hive seg rundt! Heldigvis hadde eg eit par prosjekt på strikkelista mi på Ravelry som berre venta på å bli laga. :) Valget av barselgave falt til slutt på denne åpne vesten.



Vesten heiter så mykje som "Top down cardigan for little monkeys", altså nok eit strikkearbeid som vert strikka ovenfrå og ned. *Elsk*!! Og med tjukke pinner og dobbelt garn var dette eit genialt hurtigprosjekt! Kan så absolutt anbefalast! :)



 Strikkefakta

Oppskrift: Kjøpt på Ravelry
Garn: Dobbel tråd med Baby Merino frå DROPS
Garnmengde: Litt meir enn to nøster
Pinnestr: nr 5

 
Gratulera med dagen alle mammaer! :)








tirsdag 14. januar 2014

Guttevest

Rett før jul fann eg ut at eg ville strikke ein vest til Olliver. Tanken var at han kunne bruke den i romjula, så eg hadde litt hastverk med å få den ferdig. Eg fann ei oppskrift eg likte, men den var kun laga i str 86/92. Så då var det til å begynne å telle og gruble for å komme fram til rett antall masker.... Etterkvart som eg strikke forsto eg at den kom til å bli ALTFOR stor! Tipper den er ca str 5-6 år. Hadde med andre ord god tid til å få den ferdig, så istadenfor eit hasteprosjekt vart dette ein koseleg romjulssyssel. ;)



Vesten er strikka med to tråder Baby Merino frå DROPS, eit garn eg virkelig har fått sansen for i det siste. Det er mjukt og godt og så blir det mykje meir jevnt enn med enkelte andre garn. Fargen er ikkje heilt godt gjengitt på bildet, men vesten er mørk blå med lyseblåe striper.
Noko heil oppskrift trur eg egentlig ikkje eg kan henvise til, for det vart til slutt ein miks av fleire for å få dei rette målene. Men utgangspunktet for vesten finn du her.


  



Ønsker deg ein fortsatt fin dag! :)

torsdag 9. januar 2014

Strikka julegaver

Ja, som tidlegare år vart det òg i fjor til eit par strikka gaver til jul. Den første eg strikka var denne ribbebuksa til nevøen min. Den vart strikka tidleg i høst og sidan han begynte i barnehagen og hadde behov for gode ullkler vart den gitt litt før jul. Eg glømte heilt å ta bilde av den før eg leverte den frå meg, så her er den allerede tatt i bruk og bildet vart tatt i hurten og sturten i jula... ;)


Buksa er strikka med to tråder baby merino. Kva eg tenkte på når eg kjøpte garn til denne buksa veit eg ikkje, men eg endte i alle fall opp med to nøster for lite! Å få fatt i garn med samme produksjonsnummer var tilnærma umuleg sidan eg kjøpte det på DROPS sitt salg i høst. Så då måtte eg kjøpe to nye nøster som sjølvsagt ikkje var heilt like i fargen... Heldigvis strikka eg som sagt med to tråder, så løsningen vart å rekke opp det halve buksebeinet som var strikka, dele garnet i to like deler og strikke med ein tråd frå kvart nøste i starten av begge buksebeina. Dette gjorde at overgangen mellom dei to fargene så og sei vart usynleg. Så nok ein gang klarte eg å redde meg inn igjen...Viktig med litt utfordringer... ;p




Den andre gåva eg strikka var til niesa mi på 9 år. Denne tunikaen fann eg på Ravelry for ei stund tilbake men eg visste ikkje heilt kven eg skulle lage den til. Når eg fekk høyre at niesa mi var glad i tunikaer var det ikkje tvil om kva ho skulle få til jul. :) Den er strikka i str 9-10 år og sidan ho er lang la eg til litt på lengden. Likevel vart den ikkje meir enn akkurat passelig. Får håpe ho får brukt den litt før den vert for liten..


Det eg likte så godt med denne tunikaen var alle detaljene, med ein anna farge inni lommene, raglanøkning (jepp, det er nok eit prosjekt som er strikka frå toppen og ned-elsker det!) og "bølgene" på brystet/ryggen og armene. I tillegg overlapper rillestrikken i eine sida slik at det vert plass til ein søt knapp.



Eg kan så absolutt anbefale alle med ei jente i familien å lage den. Skikkelig gøy å strikke med tjukt garn og tjukke pinner, noko som igjen gjer at dette ikkje vert eit evighetsprosjekt! ;)


Strikkefakta

Ribbebukse
Oppskrift: "All you knit is love" av Susie Haumann
Garn: DROPS Baby Merino (to tråder)
Pinnestr: 3 og 4

Tunika
Oppskrift: Ravelry
Garn: DROPS Merino Extra Fine
Pinnestr: 4 og 5



Ha ein fortsatt fin dag! :)

mandag 6. januar 2014

Flettesokker

Ja då var jula for alvor over. Julepynten fann veien ned  i kasser og poser og juletreet vart kasta ut i kulden i går. Syns alltid det er like trist... Dei første månedene av året er som regel kjipe med mørke, regnfulle dager. Det som gjer desse månedene litt enklere er at eg har ein hobby som passer overens med å sitte i sofaen under eit varmt teppe. ;)
Det har vore stille frå denne kanten gjennom jula, rett og slett av den enkle grunn at eg kobla ut alt som hadde med blogg, sosiale medier og internett generelt å gjere. Istadenfor var det fullt fokus på familiekos, bøker og strikking. Faktisk veldig deilig å ikkje vere så tilgjengelig og ikkje bry seg så veldig om kva andre gjer på til ei kvar tid. Akkurat som i "gamle dager"... ;)
Strikkeproduksjonen har derimot vore høg den siste månaden, så dei neste innleggene inneheldt fjorårets ferdigstillelser.
Først ut er eit par deilige sokker. Tru det eller ei, men dette er faktisk det første voksenparet eg har strikka i min 11-årige strikkekarriere!


 
 
Eg er veldig glad i flettemønster, og dette fall eg heilt for med ein gang eg såg det. Som alltid var det litt knotete å følge mønsteret i starten, men etter eit par fletter satt det godt i nevane.
 


 
 
Sokkene strikka eg til ein snill kollega som i fjor høst kom med fleire poser kler og yttertøy som passa lillegutt. Ho ville ikkje ha penger eller noko for det, så derfor syns eg at ho i alle fall fortjente eit par gode sokker. I tillegg til sokkene fekk ho òg ein bit av karamellene eg laga før jul.
 


 
 
Sokkene er strikka med tjukt garn og tjukke pinner og var eit relativt raskt prosjekt. Trur nok så absolutt at det vert laga eit par til til mine egne, kalde føtter...
 
 
Strikkefakta:
 
Oppskrift: DROPS
Pinnestr: nr 3
Garn: DROPS Karisma 3 nøster
Størrelse: 35/37
 
 
 
Ønsker deko eit riktig så godt nytt år!